ღონისძიებები

სკოლა-ლიცეუმ ,,ცოდნას“ მოსწავლეებმა თბილისობის დღესასწაულთან დაკავშირებით ლიტერატურული კომპოზიცია წარადგინეს. კომპოზიციის ავტორი პედაგოგი დარეჯან ცხომარია გახლავთ.

„2021 წლის 31 ოქტომბერს, მოსწავლეებმა მერაბ ბერძენიშვილის სახელობის საერთაშორისო კულტურულ ცენტრ „მუზაში“ წარმოადგინეს ლიტერატურული კომპოზიცია – „მე მიყვარს საქართველო“, რომელიც თბილისობის დღესასწაულს ეძღვნებოდა (კომპოზიციის ავტორი სკოლა-ლიცეუმ „ცოდნის“ ქართული ენისა და ლიტერატურის მასწავლებელი დარეჯან ცხომარია). მოსწავლეებმა ემოციურად წაიკითხეს ქართველი პოეტების: ლადო ასათიანის, მუხრან მაჭავარიანის, მურმან ლებანიძის, შოთა ნიშნიანიძის ლექსები. კომპოზიცია დასრულდა ილია ჭავჭავაძის პოემა „აჩრდილის“ ეპიზოდით – „დედავ ღვთისაო“, რომელიც დიდი მხატვრული ოსტატობით წაიკითხა სკოლა-ლიცეუმის მეშვიდე კლასის მოსწავლე ნიკოლოზ პაპიაშვილმა“.